බර කුරුසියක් කරේ තබා
කල්වාරියට යනවා
අමාරුවෙන්, අමාරුවෙන්
කන්ද නගිනවා //
මුළු සිරුරෙම ලේ පාට වී
කස පහරවල් පිරී
කටු ඔටුන්නක් හිසේ නිසා
මුහුනත් විරූපි වී //
මම පාපයක් කලයි කියා
දිනෙක මේ ලෙසේ
විඳවන්න සමිඳේ ඔබට වෙයි
සිතුවේ නෑ මෙසේ
බර කුරුසියක්... x 1
ඒ කුරුසේ බර නිසාමදෝ
එතුමා වැටෙනවා
මගේ පාප බර දැනිලාදෝ
නැවත වැටෙනවා //
උසුලන්න බැරි බරක් උසුළා
විරුවකු විලසේ
දිවි දී මා ගලවන්නද
ඔබ ඒ රුදු කුරුසේ
බර කුරුසියක්... x 1