සීතල උඳුවප් මාසේ
බෙත්ලෙහෙමේ රෑ අහසේ
රුවින් දිලෙන තනි තරුවක්
ගව ඔරුවේ දෙව් කුමරෙක්
යේසු බිළිඳුනේ - සාමේ රජිඳුනේ
ප්‍රේමේ කුමරුනේ - ලොව පැතුම වූයේ
බිලිඳු මුවේ ඇති සුරතල් සිනහව
පුබුදයි සෑම දනා
අප හද මඬලේ ඔබ නිති රජවේ
සාම කුමරුවනේ
අවිඳු අඳුර දුරු කෙරුමට ලෝකයේ
ඔබ අප වෙත ආවා
දෙව් පියතුම අප සැමහට එන ලෙස
කුළුණු ගුණය පෑවා
දිළිඳුන් සැනසෙයි බැතිමල් පුද දෙයි
නත්තල උදා වෙලා
සාමයේ අරුණළු පැතිරී දස අත
මුළු ලොව එකළු කලා